البنات بعد المدارس

اليوم جبتلكم موضوع عن حال البنات بعد المدرسه

تفضلواا




7
7
7
7
7
7

البنت (1) امي قالت حق خالي فيصل ود بنتي السوق
البنت(2) مو قلتي خالك هذا مسافر لندن
البنت(1) لا اللي مسافر هو خالي محمد (ول مسرعه حصلت جذبة )
البنت ترا معرفتها على اسماء العائلة الكريمة


وعاد بنات العلم
البنت(1) امتحان النحو صعب اليوم
البنت (2) أنتي دومج اتقوليين صعب وبعدين تبييين الاولى علينا ( عفانالله حسد )
البنت (1) والله صعب ماعرفت الاعراب انا شكيت هو (جار ومجرور) ولا (مجرور وجار) بس جنهم نفس الشي


وعاد بنات النت ( احم احم )
البنت (1) امس دخلت المنتدى وماحصلتج شو السالفة
البنت (2) انا داخلة لكني مغيرة اسمي
البنت(1) ليش عاد
البنت (2) مزاجيييييييييي
البنت(1) أنزين ليش مارديتي على مواضيعي
البنت(2) واللة كيفي أرد على المواضيع الي أباها موتي قهر أمسجلة بعدج وحصلت مشرفة قبلج لتخليني أحضرج خخخخخخخ


وبنات المسلسلات
البنت(1) ماشفتي الحلقة الأخيرة من المسلسل البارحي
البنت(2) هي شفته بس نهايته وايد بايخة ما اتوقعتها جي
البنت(1) هي والله لو مامثلوه احسلهم
البنت(3) اليوم بيحطون مسلل ثاني بس أعتقد حلو
البنت(1) لا مسلسل اليوم بايخ شايفتنا من قبل


و بنات البلاي ستيشن
البنت (1) اللة ياخذ شركة كونامي مانزلت (سايلنت هيل 4)
البنت (2) ماشاء اللة على شركة كابكوم تنزل ديسكاتها بسرعة بس تتوقعين يكون فيه (التايرنت)
البنت(1) احتمال لان(البرت ويسكر )فيه
البنت(2) صدق
البنت(1) هي قريته في المجلة

وبنات الطبخ
البنت (1) اليوم علي المطبخ وعييييييه
البنت (2) اللي يسمعج يقول كل يوم عليج المطبخ الله يرحم حالي انا كل يوم علية المطبخ
البنت (1) لا الحمدللة انا مرة في الشهر
البنت(2) ياحظيج والله الا أقولج أتعرفييين طريقة البسبوسة
البنت(1) هي بسيطة حطي العجينة وحطي وحطي (اتحراها سمبوسة)

عاد بنات الميك اب والموضة

البنت(1) شفتي اخت العروس روعة وخصوصا فستانها يهبل مووت
البنت (2) هي وشفتي الظل الي أمسويتنا تحت عينها مول في قمة الغباء
البنت(3) حبيبتي هذي الموضة شو عرفكم انتو بالموضة
البنت(1) اقول ترها ماتعرف شي في الموضة
البنت(2) نعم نعم ليكون تقصديني انا ترا حدج
البنت (3) لا ياماما اكلم زوجة عمي خخخخخخخخ



عاد بنات الكتب

البنت(1) عطيني الواجب مال باجر
البنت(2) وليش ماتحلينا أبروحج من غش فليس منا
البنت(1) مب جنج ناقلتنا من الي عدالج
البنت(2) هاهاهاهاها
البنت (1) يله عاد عطيني الواجب
البنت(2) انا نقلته علشان نحن معزومييين في البر
البنت(1) واحنا بعد معزومييين في البحر