لشعر طويل وكثيف

السلام عليكم ورحمه الله وبركاته

كيف الحال خواتي

استوقفني موضوع أحدى العضوات و مشكلتها مع شعرها و حطيت لها الحل و قلت خل افيد الجميع لاني من جد استفدت من خلطتي

تبين شعرج يكثف/يطول/ يمنع التساقط/يصير ناعم/فيه لمعة حريرية

عند هاجرية الحل

و الله يابنات اني من النوع اللي ما يستمر على خلطات بس هالخلطه من أول استخدام

و الله العظيم ما أبالغ و الله على كلامي شهيد

كل اللي شاف شعري سألني و عطيته الطريقة

و ان شاء الله ما راح تندمون.

النتيجه من اول استعمال ما أبالغ في هالشي، راح يطول شعرك و يكثف و يصير قوي و له لمعة تجنن

تخيلوا
استخدمت الخلطه أربع مرات و محد شافني و يوم رحت النادي و قعدت امارس
الرياضه انفل شعري الكل تهبل عليه حتى المدربة الاجنبية ماتت عليه و
سألتني عن الطريقة.

و احلفلكم بالله جاتني بعد يومين تحبني و تقول أشكرك على الطريقة، تقول عجيبه بينت معها من أول استعمال.

ما راح اطول عليكم هذي هي الخلطه

تجيبين بصله متوسطه الحجم مقسمه الى اربع اقسام
2 فص ثوم مقسمين الي نصفين
3 ملاعق كبيرة سدر مطحون
زيت خروع
زيت زيتون
كمية من الماء

(كمية الزيت 2 ملعقة زيت زيتون+2 ملعقة زيت خروع
كوب ونص ماء او كوبين)

الطريقة

جيبي
البصل و الثوم و حطيهم في الماي و انتي حددي كمية الماي اللي تناسب شعرج و
خلي البصل و الثوم يغلي في الماي لين يصير لون الماي أصفر.

بعدها صفي الماي من الثوم و البصل، و جيبي
باقي المقادير (سدر، زيت خروع، زيت زيتون) و اخلطيهم في الماي واعجينهم
مثل عجينه الحنه لا هي سائلة و لا جامدة نص و نص و بعدها خليها لين تبرد
شوي.
و بعدين حطيها في شعرج بالمساء و بالصبح اغسليه

راح
تقولين ثوم و بصلة و ريحة، الخ.. أوعدج وعد انه ما راح تحصلين و لا ريحة
انا نفسج قبل اجرب الخلطه خفت بس يوم جربتها ما فيها ريحه ابد
و صدقيني بتلاحظين الفرق من أول استخدام.
و يفضل تستخدمينها مرتين بالأسبوع لنتيجه أسرع.

» تسريحات لشعر العرايس روووووووووووووعة
» تسريحااااااااااااااااااااااات لشعر أحلى عرايس