موضوع: ممـيز : عادت فاطيمه لعادتها القديمه الخميس مايو 31, 2012 11:20 am
عادت فطيمه لعادتها القديمه واطلقت قنابلها الصاروخيه لاحظوا (قنابلها ) مابقت احد الله يصلحها انفلتت من غير سنع نتفت الكل
بدأت في وجه مكدس هجمت عليها من قلبها ومعطت شوشتها واعطتها نصيبها من التفلات اللي وزعتها على كاست المسلسل كادوه وتذكار تفلتها اللي تجاوزت شهرتها الافاق واللي كان لولدنا نصيب الاسد في الموسم الاول الله لايعودها من ذكريات واحلى شي في فطوم انها تتفل بذمة وضمير وبحركة تشبه طلقة البندقيه الى الامام ثم ترتد من قوة الطلقه والمتلقي المجني عليه عاد يمسح وجهه من الفشاله مع كل انواع الاحساس بالحقاره والقرف
عادت بنتنا الشردوحه اللي صراخها واصل للجيران اللي عروق وجهها تبي تتقطع من زود الحماس للسبسبه والهواش فطوم الشرانيه ام لسان طويل بس والله تعيش بنتنا السبعه لأن خصمها وسخ يستاهل المرمطه والبهدله على الملأ
احلى شي يوم تجي مكدس وتشوفهم يتهاوشون ووجهها ينور تبي تتشمت ياكافي وتبغاها فرجه وتأشر لمريم وقادر ورحمي تعالوا ويردها ربي في وجهها وتكون هي الفرجه قدام الخلايق وفضيحتها تصير بجلاجل قدامهم كلهم وصحيح لا قالوا مكدس شين وقوة عين
ياربي من هالانسانه من جد كتلة حسد وحقد تمشي على الارض اخت ابليس بالرضاعه كيف عينها قويه وتقاوح وتتمسكن ولا كأنها عامله شي لا وبعد تهدد سأقتلك وكمان مبيته النيه على الاذيه جعلك ماتربحين يالعقربه الخايسه نفسي اشوفك في السجن تغسلين الملابس ويتسلطون عليك المسجونات حقون الاداب ويطلعوا حق هالبنت اليتيمه من عينك وجعل الصخره اللي كبرك يالفيله ماتطيح الاعلى راسك كود تقطع لسانك اللي يكنس ويرش
ورحمي والله ووصلت لسن الرشد اخيرا وكبرت يابطل وبقيت راجل ملو هدومك عفارم سنا بردت قلبي فيها اخرسي لاتقاطعيني وحركات قام يحل ويربط ماكأنه نفس الشخصيه معقول ياسيرال من موقف واحد الراجل صار تمام يالله نمشيها لك عشان خاطر رهمييييي
كريم والله ياني رحمتك ياطحت طيحتن قشره عند السايكو وكانت راح تقلب عليك 180 د وكنا حنرجع للبدايه ولكن الله سلم والبنت طلعت في قلبها رحمه بس غسلتك غسال ماخلت ولا بقت لك وانت ماغير تمعط في وجهك الجميل وتحط ايدك على فمك وعيونك كلها خوف ورجا
ذكرتني بوم امي تحجر علينا لو سو ينا شي غلط وتقعد تصارخ وتخاصم واحنا وجيهنا ماغير تتقلب وتتلون وعيوننا تسأل اخلصي يمه هالمره عصايه ولا شبشب ولا قرصه اخلصي تراكي تعذبينا هههههههكريم كان تعبير وجهه يقول اخلصي الله يرحم ابوك لاتهذرين ادري اخرتها التفله آتيه لامحاله يالله تلحق بأخواتها في الموسم الاول اتعودنا تفل الحبيب زي أكل الزبيب
بس والله انا اشهد ان فطوم مره سنعه عاقله قدرت تلم الموضوع وتحرق اخر اثار الماضي
وتحط حرتها وقهرها في شغل البيت والتنظيف والتمسيح اتعلموا ياحريم مو الوحده منكم تزعل من رجلها تركت البيت والطبخ والعيال قال قال زعلانه حجه في حاجه علينا هههه تعلموا من فطوم كيف تكون طاقة الزعل الايجابيه امحق طاقه ذكرتني وهي زعلانه بشغالتنا يوم تزعل وتطنقر وتجيها ام العبيد ماغير تحط حرتها في الصحون والمواعين ومانسمع غير طاخ وطيخ ماينزلوا اللي في راسها الا اذا كسرت لها صحن ولا فنجانين
المره السنعه اللي زعلانه من زوجها بس مسويت له احلى عشى ومحاشي وجلسه مرتبه مش تبيته من غير عشا ب س الله يصلح حالها كان عملت جو موسيقى رومانسيه ماقد سمعت هالفطيم عن الليالي الرومانسيه يامن يهديها هالكتاب يمقن تعمل لولدنا ليله حمرا ولا بمبي ولا حتى ليلة الهنود الحمر ولا حتى ليلة الرعب بس اسمه تغيير من الجلسه البارده مدري وش كان كل واحد منهم يفكر وهم على العشا
كمان كان غيرت الكرته المنقطه تراها تفكرني بكرته جدتي اللي مخليتها للعزا وفيها شبه من لبس وحده اعرفها تقول (فطوم تراك تحبي تقلدين ستايلي الله يهداك بس مااحب الناس القلوديه ههههههههه
كريم ياحبي لشخصيته هالادمي (مو كلها صراحه) حساس وطيب ويحب من القلب شفتوه اشلون لما شاف البيت مطفي الكهرب كيف اختلع قلبه حسيته من جد بغى ينقطع نفسه من الخوف لاتكون فطوم جحشت عليه ولمت قشها وتركته
ياني ضحكت ضحك على تعبيره يازين اللغه العربيه الناس يقولون كان قلبي حيسقط من الخوف او كنت حااموت او ينقطع نفسي وده راح تنفقع مرارته لا والله الا مرارتنا اللي مفقوعه بس الله يصبرنا على تصحر سيرال والعقربتين هانت
ولا الورد اللي جايبه
ياويل حالي بس على الناس الفاهمه اللي تعرف كيف تصلح غلطها وعندها حركات رومانتك ايييييييييييه تخيلوا يابنات لو كان واحد من الربع حب يقلد كيف حتطلع الصوره
هههههه مزوووووح مزوووووح ولا يهونون ربعنا على العين والراس
ولا يوم انه يقول لها اشكرك انك سامحتيني اشكرك انك لم تعاقبيني
حسيته بزر بزر يعني طفل قاعد يحايل بأمه عشان تسامحه وماتعاقبه ياكبره من طفل ههههههه
مشهدهم في غرفة النوم في تطور بسيط
فطوم حنت عليه يوم حست انه مغبون وسمعت تنهيدته قالت له هاك جمجمتي تبرك فيها وخمها وشمها الين يفك الله عقدتي واقدر اعطيك حقك الشرعي بوس يدك وجه وظهر اني حطيت راسي على هالبيجامه السودا اللي لابسها من يوم ماتزوجنا وانا ساكته وشامه وصابره واديني لبست لك الشفتشي والمزلط واتطورت من الكم للكت وبكره يجيب الله مطر ونلبس من غير هدوم زي العرسان ههههه
بس الله يصلح حالك يافطيم وراك ماتعرفين تهرجين حاطه راسك على صدر كريم مذوب الحريم ماتعرفين تقولين كلام يبرد الخاطر
مافي على لسانك ماغير زوجة اخوي - الدراسه -توجيب اهلك - وده اللي معاك وبالع العافيه وساكت وين واجبه هاااااااا ولا شاطره في كل شيء الا هالواجب جعلك للرسوب والضعيف يبغى يدرسها
اقول انطم مااحد خربها الا دلعك مايسنعها الا كريم العربجي وينه بس؟؟؟؟
واذا مانفع مالها في ذي الهرجه الا فوزيه الدريع تعلمها الخيط والمخيط وتصير مره سنعه ياعيوووووني (فوزيه محلله نفسيه في قناة الكويت تعلم اللي مايتعلم هههههه)
هاجررررر مااحد كاسر خاطري الا هي يامال الشقا بس يا قمر ليته يستاهل بس للحين وانت متعلقه بحباله حتى بعد مافطس جهنمو ومتحريه مكتوب منه ومسميه الولد مرااااد بعد ماحقرك وذلك ورفض انه يسميه يضرب الحب شو بيذل ياهاجر ولا سامي ظفره برقبة الكركمي عازك ورازك بس مااقول ياسامي غير حب اللي مايحبك ياتعب قلبك مصيرها تعرف قدرك
سيرال تراك تمزحين بالله احلفي احلفي ياخف دمك يعني ماشفتي قبول من الفانز لقصة دينيز والاهبلين قمتي ترقعين بقصة لملتم وصديق الغفله
ماقلنا شي البنت انظلمت وخبصت كثير بس كل هذا حقد عليها هالمزيونه يالظالمه يعني كان عندك صواريخ جمال ميزارت وصاحبه الحراس الشخصيين كانوا يناسبوا المزه ملتم مالقيتي حبيب لها غير ابو حواجب
سليم مع انه اشهب بس مملوح ، صفصف صحيح كركمي وبرتقالي وكريه بس عيونه زرق وينبلع اما هالادمي استغفر الله اول مره اشوف انسان حواجبه عرض واحد من اولها لأخرها كأنها شارعين قبال بعض مسفلتين ههههههه بس عساه على هالوحاشه يطلع آدمي واخلاقه زينه
ملتم تراهم يمدحون الستر ياكزم مسويه عرض سيقان ليتك تهدين فطوم طقمين من هاللبس وانا بهديها سروال خط البلده تكمل بها الطقم لزوم الحشمه
ويمدحون يابنت العز الجزم الماركات
تراها تدوم وماتنكسر كعوبها من الفشاله قدام الناس المحترمه ترى سوق الصواريخ قصدي سوق الاحد يشتكي من كثر روحاتك ورداتك فضحتينا
كان نفسي اتكلم عن اليشران ومنير بس اعذروني حبيباتي تراني مسخنه لي يومين من بعد هوشة فطوم ومكدسوه من زود الحماس ومكدس بلعانتها سحبت مناعتي الله جزاسس وتراني مريضه وشكلي خطرفت على روسكم كثير استروا ماواجهتوا ولا تدققوا هالمره افادارسين] مروركم يسعدني وتقييمكم يشجعني لاحرمني الله اخوتكم ادعوا لي بالشفا
الثلاثاء أغسطس 20, 2013 3:59 pm من طرف Mohamad Fox
موضوع: ممـيز : عادت فاطيمه لعادتها القديمه 
